Ôi nđaơ (24/10), ta ngih N’gâng kan mât njrăng bri dak, Thượng tướng Nguyễn Tân Cương, Tổng tham mưu trưởng Tahen ƀon lan Việt Nam, Groi Kruanh n’gâng kan mât njrăng bri dak ƀư tơm wơt n’hanh rgum nchră đah Mpôl Tổng tham mưu trưởng N’gâng kan ăp rmôt vũ trang cách mạng Cuba yor Thượng tướng Roberto Legrá Sotonggo Tổng Tham mưu trưởng, Groi kruanh N’gâng kan ăp rmôt cách mạng Cuba hăn khâl na nê̆ Việt Nam bah nar 19-28/10/2023.

Ta rơh rgum nchră, 2 ding tâm ban ŭch uănh lah kan ndrel mât njrăng bri dak đah 2 dak dơi ăp rơh kruanh Việt Nam n’hanh Cuba uănh tât, jêng ngoăy tâm âk n’gâng tơm tâm boh nsum 2 dak, rgop khlay mât ndơ geh cách mạng, tâm di đah nău ŭch n’hanh nău têh dăng bah ăp dak. Năm tât, dăn đă 2 ding nsrôih mbơh ƀư Trong nchrăp kan ndrel mât njrăng bri dak lvang 2023-2025; Mbơh ƀư săk rnglăy kan ndrel công nghiệp mât njrăng bri dak, tâm di đah nău ŭch, nău dơi n’hanh nău geh bah ăp ding.