Nar 25/10, ta nkual ƀon têh Buôn Ma Thuột, n’gor Dak Lak, Vụ Tâm boh dak bah dih, Bộ Nông nghiệp n’hanh Phát triển nông thôn ƀư tâm nchră nkoch nău tă ơm gĭt n’hao nău khlay kan bu ur tâm du đêt rêng kan tuch tăm. 

Tâm nchră lah rnôk gay tâm nkoch nău tă ơm gĭt, nău mĭn blău ƀư mhe gay nta trong ntrŭt ntrôl nău rgop bah bu ur tâm rêng kan rnoh khlay, n’hao nău  khlay kan n’hanh nău dơi geh bah bu ur tâm n’gâng kan tuch tăm mât rong n’hanh du đêt rêng rnoh khlay ndơ geh ƀư tơm bah Việt Nam kơt phe ba, khoai tây, cà phê n’hanh tiêu. Ta tâm nchră, ăp đại biểu hŏ tâm ôp mpeh nău khlay kan bah bu ur tâm nău hun hao tiêu jŏ jong ta Tây Nguyên, rblang năl nău dơi geh 2 rơh gŭ mĭn ntĭt leo lor mpeh ƀư njêng rêng rnoh khlay phe ba bên di đah rgâl trôk nar geh nău tât râng uĕh bah bu ur. Ntơh măt bu ur kan lŏ mir n’gor Dak Lak nkoch mpeh nău tă ơm gĭt kan n’hanh rêng râng tâm ăp trong nchrăp kan cà phê n’hanh khoai tây jŏ jong./.