Gay njrăng ăp nau tât khuch tâm trong điện tâm ƀon lan, ndrel đah nau mât ân đăp mpăn ntrong sre điện ân đăp mpăn, năm 2023, Công ty Điện lực Dak Lak hŏ n’hao nau nkoch trêng đah ăp nau kan, ăp ntil. Ngăn lah, ăp khay, ăp rmôt kan điện lực tâm n’gor kŏ geh nau nchih, video geh tât nau kan đăp mpăn điện, nkoch mbơh klơ website ntŭk kan điện kŏ kơt lah ăp báo, radio Trung ương ndrel n’gor;

Ƀư ueh nau nkoch mbơh nau đăp mpăn điện tâm ăp xã, phường ntơm 2 tât 2 tŏ tâm du khay. Bah trong mạng xã hội Zalo ndrel facebook, Điện lực Dak Lak kŏ ƀư nau nkoch trêng, ntĭm mbơh nau dŏng điện ân đăp mpăn ndrel têm nkrem tât âk jêt rbăn nŭih năch dŏng. Đah nau kan nkoch trêng ân đăp mpăn trong điện tâm ban ma rlau 62 rbăn n’ha săm ƀŭt mbơh, rmôt kan hŏ nkra nau ƀư tâm dăch gay ƀon lan nơh gĭt ndrle nơih kơt tĭng.

Ntơm khay 10/2023, râng ăp rmôt kan mêt uănh mpeh nau kan njrăng rdâng ŭnh sa. Điện lực Dak Lak hŏ tâm rgop nkoch trêng đăp mpăn trong điện tât ăp ntŭk, ăp nŭih, gay ma n’huch ngăn nau khuch geh tât ŭnh sa, rtoh điện tâm rnôk ƀư nau ê nkra, tăch rgâl./.