Gay ma n’hao nău kan, n’hao an săk rnglăy nău mbơh nchră nău đah dak bah dih mpeh nău dơi kon nuĭh, tâm 2 nar 26,27/10, ta nkuăl ƀon têh Kon Tum, n’gâng kan Thông tin n’hanh truyền thông tâm rgop đah rnâng kan ntĭm leo mpeh nău dơi kon nuĭh bâh Chính phủ n’hanh UBND n’gor Kon Tum ƀư rơh rƀŭn nchră nti nău pah kan nchră nău đah dak bah dih mpeh nău dơi kon nuĭh an bơi tât 200 đại biểu lah cán bộ ƀư mbơh nău mhe, nău kan mât nău dơi kon nuĭh 19 n’gor, nkuăl ƀon têh ta Tây Nguyên, Tây Nam Bộ n’hanh nkuăl ƀon têh Hồ Chí Minh.

Tâm 2 nar ăp đại biểu râng rơh rƀŭn nchră nti nău kan mbơh nău đah dak bah dih mpeh nău dơi kon nuĭh geh mât uănh Nghị quyết bâh Thủ tướng chính phủ mpeh nău an dŏng trong kan mbơh nău mhe mpeh nău dơi kon nuĭh, mbơh nău mpeh nde ma nău phung chroh tâm ba năp nơh n’hanh ăp nău tât mpeh nău mbơh nău mhe, ntĭm leo ƀư mbơh tơih rup n’hơ âk ding tât dak bah dih, nău tă gĭt blău mbơh nău mhe ta ăp ntŭk kan báo chí đah dak bah dih n’hanh lam ntur neh, nău pah kan mât nău dơi kon nuĭh n’hanh du đê̆ nău mpŏng pah kan mbơh tơih mpeh nău dơi kon nuĭh.