Tĭng Nghị quyết mbrô 1193 bâh Ủy ban rnâng kan Quốc hội mpeh nău pă dăp ntŭk kan hành chính gâl xã bâh n’gor Đăk Lăk lvang năm 2023-2025, nkuăl têh Buôn Hồ, n’gor Đăk Lăk geh nău rgâl, nglăp kan ndrel rlău 30km 2 rnoh neh ơm n’hanh bơi tât 3.500 nuih ƀon lan bâh xã Ea Blang ta 2 xã Ea Siên n’hanh Ea Drông. Gay ma kơl an ƀon lan pă rgâl sƀ lôch nglăp kan ndrel ntŭk kan hành chính gâl xã an tâm di ngăch lơn, ntŭk kan têh lĕ jur tât ta xã ƀư tĭng rgâl pă căn cước công dân n’hanh pă rgâl săm ƀŭt kơp dơn dŏng neh, tâm nĕ dŭt âk lah rgâl ntuk gŭ, rnoh neh, ntŭk way gŭ bâh ƀon lan. Ndơn lah ndơ̆ hồ sơ ta ntŭk kan du mpông bâh nkuăl têh, nuĭh ƀon lan kanŭng ndơ̆ hồ sơ n’hanh dơn săm ƀŭt ta Ngih văn hóa xã Ea drông. trong kan aơ lĕ kơl n’hao nău kơl kan hành chính n’hanh dịch vụ công, n’hao âk săk rnglăy doh rklaih pah kan hành chính, nta nău dơh nơih an ƀon lan. Nchrăp, kanŭng tâm du pơh, ăp nău way pă rgâl sƀ mbra geh ƀư lôch.