Nsĭt tâp 731 nting tahen ơm khĭt ta Nghiã trang liệt sĩ Nkual ƀon têh Hồ Chí Minh
Thứ năm, 06:54, 15/10/2026
VOV/Nuĭh rblang: Điểu Thân
VOV/Nuĭh rblang: Điểu Thân
VOV.M'nông- Ôi ntri (14/10), Thành ủy, HĐND, UBND, Ủy ban MTTQ Việt Nam Nkual ƀon têh Hồ Chí Minh kan nsum đah Bộ Tư lệnh Quân khu 7 khuh n’gôr ƀư weh njăt, nkah du bông nău rêh nău kan n’hanh nsĭt tâp 731 nting tahen ơm khĭt dơi joi saơ, rgum geh ta nkual Công viên Văn hóa Lê Thị Riêng.
Thủ tướng Chính phủ Lê Minh Hưng ndrel âk kruanh rđău kan, kruanh ơm Đảng, Ngih dak râng.
Lôch weh njăt, ƀư nkah gĭt du bông nău rêh nău kan, Thủ tướng Lê Minh Hưng, ăp kruanh rđău kan, kruanh ơm Đảng, Ngih dak hŏ njŭn huêng nting 731 tahen ơm khĭt ntŭp tâp bôr gŭ mbro mbrăng ta Nghĩa trang Liệt sĩ Nkual ƀon têh Hồ Chí Minh, phường Long Bình. Bah Công viên Lê Thị Riêng tât Nghĩa trang Liệt sĩ Nkual ƀon têh Hồ Chí Minh, 731 tahen ơm khĭt hŏ plơ̆ sĭt tâm rval ti wơt nuĭh ƀon lan nkual ƀon têh. Ăp yuh, ăp nô aƀaơ hŏ gŭ đăp mpăn bah meng ndrăng băl. Njăr trong hăn năl săk, ƀon tơm, joi rnăk wâl ăp tahen ơm khĭt dôl ƀư tay ma nău mât ndray ntil ADN, ra uănh ntŭk n’hanh nkoch đah ăp rnăk wâl hôm kâp.
Viết bình luận