Ôi ntri (11/10) ta Jay Quốc hội, Ntơm pơk rơh hop tâl 27 bah Ủy ban Thường vụ Quốc hội. Ƀư tâm 5 nar, Ủy ban Thường vụ Quốc hội an nău rgop âk tâm nkô̆ khlay, tâm nê geh an nău rgop mpeh pah kan nchrăp sŏk phiếu nsing nơm đah nuĭh ƀư nău kan tă bah Quốc hội sơch mô lah ntăm an ta rơh hop tâl 6, Quốc hội khóa 15.

Lah ta rnôk ntơm pơk rơh hop, Kruanh Quốc hội Vương Đình Huệ an gĭt rnoh nău kan âk, jêr, mô nar ndăn ngăch. Kruanh Quốc hội dăn đă ăp nuĭh kan tâm Ủy ban Thường vụ Quốc hội ntik nuih n’hâm ăp rơh hop bah năp nơh gay an nău rgop tâm ăp nkô̆ gay đăp mpăn săk tam rơh hop lah dŭt uĕh. Nsing kalơ mĭn uănh lam lĕ rngôch pah kan nchrăp n’hanh ăp nkô̆ rblang dăn Quốc hội, lôch rnôk djăt ăp nău rgop bah đại biểu Quốc hội, ăp Mpôl đại biểu Quốc hội, Ủy ban Thường vụ Quốc hội mbra an nău rgop n’glĕ dŭt mpeh nkô̆ rơh hop tâl 6 gay rblang dăn Quốc hội mĭn uănh, n’glêh an ta rơh hop nchrăp lor./.