Rơh rƀŭn nchră nghị sĩ mom lam ntur neh tal 9 yor Quốc hội Việt Nam leo ƀư, geh nău kan dŭt têh bâh ntơm tât aƀaơ, đah 500 đại biểu tât râng, tâm nĕ geh rlău 300 đại biểu lam ntur neh.

Rơh ntơm pơk rơh rƀŭn nchră geh ƀư ta ôi aơ, lôch ne lah 2/3 rơh rƀŭn nchră tơm mpeh rgâl mhe rnoh mbrô n’hanh rgâl mhe nău mĭn kan- ntơm njêng nău kan, gay ma ndơ̆ mbơh ăp nău dăn đă ngluh mbơh ăp nău kơl n’hanh trong kan, mpŏng tât nău ŭch mô an geh du hê nuĭh nklơi tay ba kơi tâm nău kan rnoh mbrô, tâm ban kơt ntrôl an nău kan rgâl mhe n’hanh ntơm njêng nău kan, ƀư nău nsrôih an hun hao lĕ rngôch n’hanh nâp nâl. Bâh nău kan âk ding khlăy aơ ntop lah na nê̆ nău tât râng âk, geh nău dơn kan n’hanh leo kan bâh Việt Nam tâm IPU- ntŭk leo kan rmôt kan nghị viện dŭt têh ta lam ntur neh, nkre lah an saơ nău khlăy, nău mât uănh bâh Việt Nam đah mom ndăm n’hanh ăp nău nsum lam ntur neh bâh rơh mom aƀaơ.