Ôi ntri (10/3), ta Jay Quốc hội, ntơm pơk rơh hop tât leh tâl 43, rơh hop lor bôk năp dơi ƀư đah nău nchrăp bah ăp nhih pah kan lôch dăp rgum nuĭh kan bah Quốc hội, Chính phủ.

Lah ta rơh ntơm pơk rơh hop, Kruanh Quốc hội Trần Thanh Mẫn an gĭt, ndrel đah nău dăp rgum ăp tŏng nuĭh kan, đăp mpăn leo dăp kan lôch rnôk luật, nghị quyết dơi Quốc hội n’gluh an dŏng ta rơh hop ndal tâl 9, ăp nhih pah kan rgum âk, lor nchrăp an ƀư nău kan tĭng trong nchrăp đăp mpăn mbluh soih, way mbro, lơn  lah hŏ năn ngăch nchrăp ăp tŏng hồ sơ, siƀŭt ơm nkô̆ hao rblang dăn UBTVQH mĭn uănh, an nău rgop ta rơh hop dja. Rơh hop dja,  UBTVQH an nău rgop mpeh nău rblang gĭt, rgâl di tay đah 03 trong nchrăp luật lor rnôk dăn nău rgop ta tâm nchră đại biểu Quốc hội way rnâng kan, lah geh nău khlay n’hanh rblang dăn Quốc hội uănh an dŏng ta rơh hop tâl 9 bơi tât lah: trong nchrăp Luật sŏk soăy ndơ dŏng mha êng (rgâl nkra), aƀaơ doanh nghiệp dŭt uănh khlay tât nkô̆ nău dja, trong nchrăp Luật Sŏk soăy nsĭt geh wăng sa doanh nghiệp (rgâl nkra); trong nchrăp Luật mât dŏng n’hanh ntuh kơl tơm prăk ngih dak ta doanh nghiệp…