Tĭng wa Phạm Đăng Khoa, Giám đốc ntŭk kan ntĭm n’hanh nti n’gor Dak Lak, lôch 10 năm ƀư tĭng, trong kan săch lăp nti jrô 10 lĕ geh saơ âk nău mô di n’hanh mô hôm tâm di đah ta ntŭk. Rnoh kon hoc hao nti ta ăp năm, ƀư an ndơ dŏng, ndơ nti n’hanh nai nti mô hôm tong.

Ndrel đah nĕ, ƀư tĭng nău kan bâh chính phủ mpeh ntĭm nti nău kan n’hanh mpŏng uănh pă rnoh kon hoc nti an tâm di tâm ntĭm nti phổ thông lvang năm 2018-2025” mbra geh klâp ma 70% kon hoc tốt nghiệp THCS nti hao THPT, rnoh hôm e geh dŭt đê̆ 30% kon hoc geh nti ta ăp ntŭk ngih nti nău kan ntĭm nti trung cấp, sơ cấp. Yơn lah ta Dak Lak, aƀaơ rnoh aơ hôm nha âk geh klâp ma 90% kon hoc tốt nghiệp THCS hao tât THPT. Yor nĕ, n’gor an geh kơp tât trong kan săch lăp jrô 10 THPT công lập ndơn an săch  học bạ kơt aƀaơ.