Ntŭk tăch rgâl neh ntu rngơt rngăt bah năm 2022 tât aƀaơ hŏ tât khuch mô đêt tât tơm geh sŏk ngân sách bah neh ntu bah n’gor Dak Nông. Tĭng Cục thuế n’gor Dak Nông, 9 khay aơ, lĕ rngôch geh sŏk soăy tât 1962 rmen prăk, dah 66,4% trong nchrăp sŏk dŏng trung ương jao n’hanh dah 75,8% rđĭl đah ndrel khay dja năm e nơh.

Tơm sŏk geh prăk ngân sách năm aơ hŭch âk tă khuch bah âk ntil ndơ tât. Tâm nê, n’gor dôl an ƀư âk trong kơl njong, n’hŭch sŏk soăy gay ăp doanh nghiệp sĭt jêng tay nău kan ƀư njêng tăch rgâl. Êng nău hŭch 50% prăk sŏk soăy mât njrăng ntŭk gŭ rêh bri dak neh ntu hŏ roh huach 100 rmen tơm geh sŏk soăy bah 9 khay. Ndrel đah nê, trong kơl n’hŭch 30% prăk sŏk soăy neh bah năm 2022, nău hŭch sŏk soăy bah ăp ntil ndơ tăch ƀư jêng hŭch tơm geh sŏk 120 rmen prăk. Lơn lah, ntŭk tăch rgâl neh ntu rngơt rngăt, nău kan tâm rgâl tăch neh ta n’gor hŭch jêng tât geh roh huach tơm sŏk geh bah neh ntu ta n’gor. Na nê̆, tâm 9 khay, tơm sŏk geh bah prăk dŏng neh dơn geh 246 rmen prăk, dah 28,4% trong nchrăp sŏk dŏng n’gor, dah 41,5% rđĭl đah ndrel khay dja năm e nơh. N’gâng kan sŏk soăy n’gor Dak Nông an ƀư ăp trong nkra gay ntrok lăp tâm ăp rnoh sŏk geh, đăp mpăn tơm sŏk geh ngân sách năm 2023 tĭng trong nchrăp./.