Ntoh ngơi ta rơh tam nchră, groi kruanh rnâng kan Nội chính Trung ương Nguyễn Thái Học lah na nê̆, đah nău kan lah ntŭk kan mbơh tơih nău kan bâh Đảng tâm nău kan ta ntŭk, njrăng rdâng sa nkhiăn, sa ƀer, nău kan mô ueh mô di n’hanh rgâl mhe tư pháp, Rnâng kan Nội chính Trung ương geh Hội đồng Khoa học ăp ntŭk kan Đảng Trung ương, pă mĭn uănh bôk nău kan khoa học tơm khlăy gay ma bâh nĕ nchrăp an nău nchih rgum ăp văn kiện ndơ̆ an Đại hội tal 14 bâh Đảng.

Ta rơh tâm nchră ăp đại biểu, nuĭh kan khoa học ndrel tâm mbơh nău, tâm nchră gay ma ƀư na nê̆ nău mpeh: Hun hao nău gĭt vât mpeh lý luận bâh Đảng he mpeh nău mbơh kan bâh ăp ntŭk kan Đảng ta Trung ương tâm trong kan nội chính, njrăng, rdâng sa nkhiăn nău kan mô ueh mô di n’hanh rgâl mhe tư pháp. Uănh năl nău geh ăp nău kŏ khan, mô dơi ƀư n’hanh nkô̆ nău n’hanh nău tă gĭt kan tâm nău mbơh tơih nău bâh ăp ntŭk kan Đảng. Bâh nĕ mbơh tơih ăp nău mhe ngluh mbơh an geh rgum doh rklaih n’hanh ăp trong kan tơm khlăy mhe, dăn đă mbơh dăn, gay ma n’hao nău dơi pah kan mbơh tơih nău bâh ăp ntŭk kan Đảng.