Rmôt kan nuĭh kan lŏ mir n’gor Dak Lak mhe ƀư ntơm tâm trôm nău ƀư gưl n’gor mbah rhơn nkah gĭt 120 năm nar ndâk njêng n’gor Dak Lak. Bah lơ 15/11 năm e, Rmôt kan nuĭh kan lŏ mir n’gor lĕ rgŏ jă tâm rlong tât ăp gưl hội n’hanh lĕ rngôch nuĭh ƀon lan kan lŏ mir tâm n’gor. Tâm 1 năm bah năp, ƀon lan lam n’gor Dak Lak lĕ ƀư tĭng geh bơi 1.100 ndơ ƀư, gưl kan.

Rơh aơ, Rmôt kan nuĭh ƀon lan kan lŏ mir n’gor Dak Lak rnê nkhôm 21 rmôt n’hanh êng nuĭh uĕh nău kan tâm ƀư tĭng ntrong leo tâm rlong mbah rhơn Nkah gĭt 120 năm Nar ndâk njêng n’gor Dak Lak. An sam ƀŭt kơp dơn “Ndơ lŏ mir ntoh lư n’gor Dak Lak năm 2024” an 25 ndơ bah 23 rmôt, êng nuĭh tâm n’gor. Mpla nsơ, nkoch mbơh rlău 200 ntil ndơ lŏ mir ntoh lư bah ăp gưl Hội ƀon lan kan lŏ mir 15 n’gor, nkual ƀon têh.