Ôi 15/9, ta Ngih Quốc hội, Tổng Bí thư, Kruanh dak Tô Lâm n’hanh I ur ƀư tơm ƀư wơt Nuĭh Kđăch Thái Lan n’hanh I ur. Rơh khâl ƀư di tâm rơh 2 dak nkah gĭt 50 năm ndâk njêng tâm boh nchră nău-ntơm geh ntơr ueh tâm lịch sử hun hao tâm boh ăp ding. Rơh khâl bah Nuĭh Kđăch Thái Lan rgop na nê̆ tâm ton nchră nău gưl prêh đah kruanh 2 dak năm bah năp, ngăn lah tâm ton ƀư săk rnglăy trong kan “3 boăt nthoi”.

Nĕ lah boăt nthoi trong tâm pă, boăt nthoi nkra njêng n’hanh wăng sa đah 2 dak; Boăt nthoi doanh nghiệp n’hanh ƀon lan; boăt nthoi ăp trong hao jêng nâp nâl; nsrôih ơm ndơ̆ geh prăk tăch rgâl 2 dak geh 25 rmen đôlar tĭng trong tâm ban, nâp nâl. Rơh khâl mbra nchih du nkô̆ nău bôk năp mhe tâm lịch sử tâm boh 2 dak, ndơ̆ nău tâm rnglăp dăch dêh Việt Nam-Thái Lan hun hao nar lơ hăn jru, ngăn ngên, nâp nâl n’hanh săk rnglăy, yor nău geh bah ƀon lan 2 dak, yor đăp mpăn n’hanh ndrŏng ueh bah nkual./.