Ôi ntri (20/9), ta nkual ƀon têh Đà Lạt (Lâm Đồng) hŏ ƀư Tâm nchră Hội đồng tâm pă nău kan nkual Tây nguyên lor bôk năp. Tâm nchră tă bah Groi Thủ tướng Chính phủ Trần Lưu Quang ƀư tơm, đah nău tât râng bah ntơh măt ăp n’gâng kan bah trung ương n’hanh n’gor.

Tâm nchră hŏ rong an âk mông tâm nchră, rblang gĭt, uănh năl ăp trong kơl, trong kan hun hao wăng sa- rêh jêng kon nuĭh nkual Tây Nguyên n’hanh dăn đă du đêt trong kan, trong kơl mha êng an nkual. Lah n’glôch jêh tâm nchră, Groi Thủ tướng Chính phủ Trần Lưu Quang, Kruanh Hội đồng tâm  pă nău kan nkual Tây Nguyên an lah rơh hop dja dơi ŭanh lah ntơm jâng gay tâm nchră trong tât mhe, rdâk njêng trong nchrăp, trong tor gĭt lor dŭt ngăn ngăn geh nău dơi, mbra geh mbrơi yơn săk tam. Tâm nê, ân jêng dơi trong kơl mha êng bah lam nkual gay nsing ta nê droh rklaih ăp jêr jŏt, njêng suan ntrŭt ntrôl hun hao nkual Tây Nguyên hun hao./.