Kêng măng 30/10, tơm prăk kơl an nau sôt rmanh Châu Á (tơm prăk AIP) tâm rgop nsum đah Rnâng kan mât đăp mpăn gung trong n’gor Gia Lai ƀư lôch 5 năm nau ƀư nau kan “N’huch nau hăn-ngih săm ƀŭt đăp mpăn” tâm nkuăl ƀon têh Pleiku. Rơh rƀŭn nchră, jêh 5 năm ƀư nau kan, nkuăl ƀon têh Pleiku hŏ jêng nkuăl ƀon têh ueh ân nkuăl ngih săm ƀŭt đăp mpăn tâm n’gor ndrel nkuăl Tây Nguyên. Tĭng nau uănh năl bah n’gâng kan gung trong-nchuăn rdeng Gia Lai.

Jêh 5 năm ƀư nau kan, ta nkual ƀon têh Pleiku hŏ geh 33 ngih săm ƀŭt ntơm jrâu 1-5 geh ƀư nâp trong hăn, ntŭk kâp vơt kon se nti ân đăp mpăn, nau hăn ngăch bah ăp bôk ndeh rnôk hăn trong mpông ngih săm ƀŭt tâm nkuăl ƀon têh lah 30km/h ndrel bah dih n’gor lah 40km/h. Tâm rnoh aơ 71% geh kơp dơn đăp mpăn rnoh 5 sao. Nau kan hŏ kơl n’huch rnoh nŭih khĭt rmanh ndrel prah tâm tom ndeh tâm ngih săm ƀŭt. Rnôk aơ, n’gor kŏ n’hao nau nchrăp nkra 56 ngihs ăm ƀŭt tâm n’gor tâm rơh tât ndrel rƀŏng nau ƀư nau kan aơ tâm lam n’gor, ngăn lah tâm nkual jru, ngai./.