Mbơh tơih rblang nău geh gĭt, Ủy viên Ủy ban rnâng kan Quốc hội Hoàng Thanh Tùng an gĭt, lôch geh dơn nău tâm rgop bâh ăp đại biểu Quốc hội mpeh mât đăp mpăn dơn ngoăy bâh nău nchrăp luật đah trong kan pháp luật n’hanh mât đăp mpăn pă nău kan, pă nău dơi an ndrel đah mât uănh nău dơi kan n’hanh njrăng rdâng ndeh ma nău kan, Ủy ban lĕ ntop du đê̆ nău kơl, nău kan mhe tâm nău nchrăp. Tĭng nău mbơh bâh wa Hoàng Thanh Tùng, ăp nău kan, nău kơl kan mhe geh mbơh ntop gay ma rgâl mhe têh dăng nău kan pă nău dơi kan, pă kan, đă ndơn kan gay ma ƀư tĭng nău ntrŭnh bâh Đảng mpeh ntrôl dăng pă kan, pă nău dơi kan, n’hao nău dơi kan bâh nuĭh leo kan bôk năp. Ta meng nĕ an geh n’hao nău leo kan, min kan, nănh mĭn, nănh kan, dơn nău kan bâh ăp ntŭk kan tâm n’gâng kan ngih dak, ngăch doh rklaih ăp nău kŏ văk mpeh nău leo kan, mpeh nău kan hành chính, mbluh mbơh rnoh nuĭh kan an hun hao, tâm rdâng đah ăp nău rgâl mhe ăp nkô̆ kan tâm dak n’hanh dak bah dih, yor nkô̆ ŭch hun hao, hun hao nsum bâh neh dak, nkre lah mât đăp mpăn tâm ban đah nkô̆ nău geh gĭt vât, rgâl nkra tâm nău nchrăp Luật leo kan n’gâng kan ta ntŭk (mhe rgâl).