Lơ 4/8, ta rơh rƀŭn nchră mô geh way  tal 1, Quốc hội khoá 16, rnôk tâm nchră ta rmôt mpeh nău nchrăp Luật mbơh tơih, ntĭm nti pháp luật (rgâl mhe), Kruanh Quốc hội Trần Thanh Mẫn lah na nê̆, nău rgâl mhe luật mô dơn rlu ta nău leo kan nău ntrŭnh mô lah ntop nău kan an ăp ntŭk kan, ma an geh njêng nău kan ngăn, rdâk njêng nău ueh ryơk n’hao nău kan pháp luật tâm lam ntŭk rêh jêng. Wa an lah nău kan mbơh tơih, ntĭm nti pháp luật tâm ba năp nơh hôm nha ƀư an geh, ê hŏ tâm di đah nău ŭch kan ngăn. Kruanh Quốc hội đă an geh rgâl bâh nău mĭn pă kan mbơh tơih nău kan tât nău mĭn kơl kan, kơl an ƀon lan n’hao nău geh nău dơi mât nău dơi, nău geh tâm di bâh nơm đah ntrong kan pháp luật. Kruanh Quốc hội đă ntrŭnh na nê̆ nău kan mât nău kơl kan pháp lý n’hanh mbơh tơih, ntĭm nti pháp luật an geh ƀư ăp năm đah mpôl kan luật sư, luật gia. Nkre lah, mĭn uănh rdâk njêng ntrong kan rnoh mbrô ngih dak mpeh mbơh tơih, ntĭm nti pháp luật, veh kơp rnoh kan, gĭt vât n’hanh ƀư tĭng pháp luật bâh nuĭh ƀon lan ta ntŭk kan rnoh mbrô, ntop ndơ̆ pháp luật ngăn ngên hăn lăp tâm nău rêh.