Ta rơh rƀŭn nchră, Thủ tướng Lê Minh Hưng an lah tâm rnôk nău ta lam ntur neh geh âk nău tât ndal, n’gâng kan nchră nău đah dak bah dih lĕ tâm rgop na nê̆ đah ăp mpôl kan mât đăp mpăn rnă njrăng, ueh lăng đăp mpăn mpeh chính trị n’hanh đăp mpăn lĕ nău rêh jêng.Ntŭk kan nchră nău đah dak bah dih geh nău dơh nơih lĕ ma tâm trôm n’hanh bah dih lah nău dơi tâm rlong khlăy ngăn bâh Việt Nam đah âk dak êng, njêng nău kan khlăy ntrŭnh an nău hun hao neh dak. Tâm ba năp nơh, Thủ tướng Lê Minh Hưng đă n’gâng kan nchră nău đah dak bah dih an geh rgâl n’hao nău kan lam ntur neh jêng rnoh kan tu tơm hun hao bâh neh dak. Thủ tướng Lê Minh Hưng đă n’gâng kan nchră nău an dak bah dih an geh n’hao nău nsrôih lơn tay tâm nău rgâl nău mĭn, ntrong kan, gĭt na nê̆ nău kan, nău mbơh kan, leo dăn đă ăp rmôt kan na nê̆ gay ma mbơh ôp nău đah Đảng, Ngih dak đah Chính phủ.