Tổng Bí thư, Kruanh dak Tô Lâm wơt Đại sứ, Ntoh măt ăp dak ASEAN ta Hà Nội
Thứ tư, 14:49, 05/08/2026
VOV/Nuĭh rblang: Y Sưng Phê Ja
VOV/Nuĭh rblang: Y Sưng Phê Ja
VOV.M’nông - Kêng măng 4/8, ta Hà Nội, di rơh nkah gĭt 59 năm ndâk njêng ASEAN, 50 năm ký Tâm ton dăch dêh n’hanh kan ndrel ta Đông Nam n’hanh 31 năm Việt Nam lăp nsum ASEAN, Tổng Bí thư, Kruanh dak Tô Lâm lĕ wơt Đại sứ, Ntoh măt ăp dak ASEAN tât tâm mâp ôp khâl.
Ta nar wơt, Tổng Bí thư, Kruanh dak Tô mĭn lah Việt Nam uănh khlay tâm boh đah ASEAN, uănh ASEAN lah rnăk wâl têh dăch dêh n’hanh ăp nuĭh oh nô tâm bên.
Uănh lah prêh ăp nău geh bah ASEAN năm bah năp, Tổng Bí thư, Kruanh dak nkoch nău nsing nơm ăp dak kan nsum mât nâp tâm rnglăp, mât na na nao ƀư tơm ta n’gul, ndâk njêng nsum mpôl ASEAN 2045. Nkre lah rjăp, tâm rnôk nu nău lam ntŭr neh nu nău ngăch n’hanh jêr jŏt, ăp dak ASEAN n’hao nsing nơm chính trị, n’hao dăng hao êng, pơk hvi kan ndrel wăng sa, tăch rgâl, ntuh kơl, rgum êp hun hao đah ăp dak kan ndrel.
Ntoh măt ăp Đại sứ ASEAN mĭn lah mbra tâm rgop rjăp đah Việt Nam, rgop ndâk njêng Nsum mpôl ASEAN tâm rnglăp, ngăch mĭn ƀư mhe n’hanh sŏk nuĭh ƀon lan ƀư tơm.
Viết bình luận