Ntơm lăp pơh pah kan tal 2 bâh rơh rƀŭn nchră tal 8, ôi aơ 28/10, Quốc hội djăt Kruanh Ủy ban wăng sa bâh Quốc hội Vũ Hồng Thanh, groi kruanh mpôl uănh nđôi bâh Quốc hội mbơh tơih nău mbơh bâh mpôl kan uănh nđôi bâh Quốc hội mpeh ƀư tĭng nău kơl, pháp luật mpeh mât uănh ntŭk tăch rgâl neh ntu n’hanh hun hao ngih jay gŭ bâh năm 2015 tât năm 2023. Ăp đại biểu uanh n’hêl video clip mpeh ƀư tĭng nău kơl, pháp luật mpeh mât uănh ntŭk tăch rgâl neh ntu n’hanh hun hao ngih jay gŭ ta ntŭk rêh jêng bâh năm 2015 tât lĕ năm 2023. Lôch nĕ, Quốc hội tâm nchră ta ntuk rƀun nchră mpeh nău mbơh tơih bâh mpôl kan uănh nđôi n’hanh nău nchrăp Nghị quyết bâh Quốc hội mpeh nău geh uănh nđôi ƀư tĭng bôk nău kan Nău ƀư tĭng nău kơl, pháp luật mpeh mât uănh ntuk tăch rgâl neh ntu n’hanh hun hao ngih jay gŭ bâh năm 2015 tât lĕ năm 2023. Nuĭh kan ndrel ta chính phủ geh tât mbơh rblang, ƀư kloh du đê̆ nău đại biểu Quốc hội ngluh mbơh.