
Nthoi tay bôk nău kan rơh rƀŭn tal 9, Quốc hội khóa 15, ôi nđaơ (17/6), Quốc hội tâm nchră ta ngih rƀŭn mpeh uănh lah ntop tay ƀư tĭng trong nchrăp hun hao wăng sa-rêh jêng, tơm prăk ngih dak năm 2024; nu nău ƀư tĭng trong nchrăp hun hao wăng sa-rêh jêng n’hanh tơm prăk ngih dak ăp khay bôk năm 2025. Uănh lah prêh ăp săk rnglăy dơi geh kơt, ngăch hao jêng GDP geh 7,09%; wăng sa-rêh jêng rdâk hao uĕh, geh lĕ rngôch 15/15 rnoh an ƀư dŭt âk; ntoh hao mhe dơi uănh nđôi; công nghiệp, tăch rgâl, rhŏ nău tăch, pâl nđaih hao jêng uĕh; Đăp mpăn nău rêh jêng, rnă njrăng, đăp mpăn nuĭh ƀon lan geh tŏng ăp...

Yơn lah, ăp đại biểu ntĭm ăp ntŭl rlong, jêr jŏt gay jêh nău rƀŏng hao jêng GDP năm 2025 geh bah 8% let lơ n’hanh hao jêng 2 mrô tâm ăp năm bah năp tay. Tâm ôi 17/6 đŏng, đah âk đại biểu râng nsơr ty tâm ban ŭch, Quốc hội lĕ mbơh an nghị quyết mpeh n’hŭch soăy VAT kơt dŏng đah ăp rmôt ndoh ndơ, nău rhŏ tăch dôl rdâng soăy 10% bah lơ 1/7/2026 tât lĕ lơ 31/12/2026. Đah Nghị quyết mhe dơi Quốc hội mbơh an, âk rmôt ndơ mbra dơi hŭch 2% soăy rnoh khlay (VAT) tât lĕ năm 2026.
Viết bình luận