Ôi lơ 10/10, ta nkuăl ƀon têh Buôn Ma Thuột, Radio Việt Nam ndrel n’gor Dak Lak ƀư rƀŭn lôch 3 năm bôk nau kan tâm boh nkoch trêng lvang năm 2021-2025. Jêh 3 năm ƀư Bôk nau kan tâm boh nkoch nau, Radio Việt Nam hŏ ƀư geh 3000 nau mhe, nau nchih, nau nkoch, nau ôp, ƀư ntoh nau sŏng dăng mpeh nau kan văng sa, văn hoá, rêh jêng, rnă njrăng, neh dak tâm n’gor Dak Lak. Nkre lah, hŏ nkra ndrel ntoh ngơi 1.816 bôk nau ngơi rnoi mpôl đê, geh: 908 bôk nau ngơi rnoi Rđe ndrel 908 bôk nau ngơi rnoi Bunong, lah 2 nau ngơi rnoi đê̆ tơm tâm Dak Lak.

Ntoh nau tâm nar rƀŭn, Uỷ viên Trung ương Đảng, Tổng Giám đốc Radio Việt Nam Đỗ Tiến Sỹ lah rjăp, Radio Việt Nam hŏ ndrel mra hăn ndrel ma n’gor Dak Lak tâm nau ntrŭt dăng lơn tay nau kan nkoch mbơh nau. Tâm nê uănh khlay nau kan mât tâm dăch ndrel nau ntrŭnh, nau kan geh nau dơi ân nkuăl Tây Nguyên ndrel Dak Lak. Bí thư n’gor uỷ Dak Lak kŏ đă, tâm rơh tât, Radio Việt Nam lŏ pơk hvi lơn tay ăp nkô̆ nau tâm boh mbơh nau, nkoch trêng./.