Lơ 24/10, N’gâng kan Thông tin n’hanh Truyền thông tâm rgop đah UBND n’gor Gia Lai ƀư rgum nchră “Ndơ, trong mkra công nghệ mrô make in Việt Nam-Nuih n’hâm an ntrôl nău kơl lor hun hao ta ntŭk”. Năm bah năp, n’gor Gia Lai lĕ nsrôih ndâk ƀư trong pháp lý n’hanh mbơh ƀư âk trong mkra tâm ăp ntil nău kơl lor kơt lŏ mir, ntĭm nti, dak si, pâl nđaih n’hanh prăk kaih ngân hàng.

Âk doanh nghiệp lĕ kơt dŏng ăp n’gâng tơm mrô tâm nău ƀư kơt mbơh tơih soay điện tử, sam ƀŭt điện tử n’hanh mô trok prăk măt. Ăp ntil ndơ lŏ mir, OCOP bah n’gor lĕ măt ta ăp ntŭk tăch điện tử... Ta rgum nchră, ăp đại biểu lĕ tâm nchră mpeh du đêt nău geh tât nău ngăn n’hanh nău ŭch ndơ, trong mkra công nghệ tâm hun hao nău kơl lor bah n’gor Gia Lai; nău rgâl mrô bah doanh nghiệp jêt n’hanh dah găp; ndơ ki-ốt dak si thông minh; rgâl mrô tâm rgop nău khlay ndơ lŏ mir.