Ôi aơ (12/10), Ban Dân vận n’gor ủy Dak Lak ntơm ƀư Rgum tâm rlong Dân vận blău n’gor Dak Lak năm 2023, đah tât râng bah bơi 200 nuĭh tâm rlong. Aơ lah ăp rmôt tâm rlong dơi săch n’hanh geh giải têh ta rgum tâm rlong gưl nkuăl dơi ƀư bah năp nĕ. Ăp rmôt mbra rlău 3 gưl tâm rlong geh ôp ngơi, mĭn joi gĭt nău wât nsum, mkra nu nău n’hanh tâm rlong nău ơh dân vận blău.

Đah ăp trong ƀư sân khấu, ta du gâl tâm rlong, ăp rmôt an dơi ƀư lĕ rngôch mpeh ƀon lan, rmôt đảng, ngih pah kan, ntŭk kan, nuĭh tâm rmôt; săk rnglăy ƀư trong kan rgŏ jă ta ntŭk, ngih pah kan, ntŭk kan. Mkra nu nău geh tât tâm pit neh ntu, tâm rkeh mhe ntoh n’hêl na nê̆ ta ntŭk; nău mbơh ƀư tĭng nău kơl rnoi nuĭh, nău kơl chroh rƀŭn; trong kan trơn gŭ, trok neh tâm ntŭk sŏk neh; ƀư tĭng trong ƀư ƀon lan ƀư tơm ta ntŭk; mkra ăp nău phong rgum âk nuĭh, tâm boh tâm uănh tâm ngih pah kan n’hanh tâm boh tâm uănh, tâm mâp đah nuĭh ƀon lan.