Rlău 100 ndrơng ndơ bâh 39 ntŭk kan, doanh nghiệp, ta ntŭk bâh Sơn La n’hanh ăp n’gor: Hưng Yên, Ninh Bình, Yên Bái, Hà Nội, Dak Lăk, Gia Lai...đah âk ntil ndơ cà phê, ndơ tuch tăm, ntoh lư ta nkual lĕ rgum ta ntŭk tăch ndơ pla n’hơ “Cà phê Sơn La- lăp kan ndrel n’hanh hun hao”.

Tâm nău ueh n’gôr bâh lễ hội. nuĭh ƀư cà phê n’hanh nuĭh ngêt cà phê lĕ sĭt rgum, tâm nđur tâm ăp rơh tâm rlong kơt lah: ƀư ueh ntŭk ngêt cà phê, ƀư ueh kachok cà phê, geh gĭt vâr cà phê ma ti n’hanh vẽ rup ma ndok cà phê...nuĭh ƀon lan, năch dŭt ŭch ngêt ăp kachok cà phê mô sŏk prăk n’hanh lăp ndrel tâm ăp nău nkoch mpeh tơm cà phê bâh yôk bri Sơn La, Tây Bắc. Lễ hội cà phê n’gor Sơn La đah âk nău kan ueh an tay nău kahgĭt âk tâm nuih n’hâm năch dăch ngai, lah nău kan mpơl an saơ trong kan 80 năm cà phê Sơn La bâh ntil tơm ntơm njêng tât nău ntơ ntoh lư hao let lam ntur neh, geh ŭch dŏng âk ngih dak n’hanh nkual neh.