Ôi 28/2, ta N’gâng kan ntĭm rđău tahen n’gor Dak Lak ta nkual ƀon têh Buôn Ma Thuột lĕ ƀư hăn tahen tiăr nti năm 2025 n’hanh rgŏ jă ƀư tĭng rơh tâm rlong hô ngăn “Ngăch-nsrôih dơi”. Yan dơn tahen năm 2025 aơ ta Dak Lak geh 2.553 tahen ƀư tĭng nău kan tahen ta ăp ntŭk kan Tahen n’hanh Pôih n’har bri ta n’gor Dak Lak, ndrel du đêt ntŭk kan ta N’gâng kan mât njrăng bri dak, Quân khu 5 gŭ ta n’gor.

Đại tá Niê Ta, Chỉ huy trưởng N’gâng kan ntĭm rđău tahen, Groi Kruanh Hội đồng Nghĩa vụ n’gor Dak Lak an gĭt, tâm yan tiăr nti aơ, ăp ngih pah kan, ntŭk kan mbra rgum ƀư uĕh trong kan chính trị n’hanh nău mĭn, n’hao lĕ đah nău kan bah ăp gưl ủy, ntĭm rđău, cán bộ, tahen đah nău kan tiăr nti. Rnôk aơ, ăp ntŭk kan lĕ dơn tŏng tahen n’hanh dôl ƀư ăp trong nchrăp lor, nău ntĭm nti, ntrong ƀư nti na nê̆, đăp mpăn n’hao uĕh tiăr nti đah tahen mhe. Đah ăp tahen mhe, lĕ đăp mpăn nău mĭn, nău rŏng jêh ăp nar bôk năp ngai rnăk wâl, nchrăp hăn ntŭk nti.