Ƀư tĭng nau nchrăp mrô 26 bah Bộ Chính trị, ôi lơ 63 rmôt kan mêt uănh mrô 1922 bah Bộ Chính trị yor wa Trần Việt Trường, Groi Kruanh Uỷ ban Trung ương MTTQ Việt Nam, Groi Kruanh rmôt kan ƀư tơm rmôt kan hŏ pah kan đah Rnâng kan Đảng uỷ UBND n’gor Kon Tum mpeh nau ƀư nau ntrŭnh mrô 123 bah Rnâng kan rđau kan Trung ương Đảng ndrel nau geh bah nau ntrŭnh mrô 57 bah Bộ Chính trị. Tâm nar pah kan, wa Trần Việt Trường rnê prêh nau kan geh nchrăp bah n’gor Kon Tum ân nar pah kan, ndơn saơ n’gor Kon Tum hôm âk nau jêr, ntul rlong, ê geh ƀư lĕ nau dơi, nau dăng, ê geh nau dơi, mô geh tơm gay ma rdâng ƀư nau kan...

Rmôt kan mêt uănh 1922 bah Bộ Chính trị kŏ kơp dơn âk nau kan ngăn tâm nau ƀư nau ntrŭnh mrô 123 bah Rnâng kan rđau kan Trung ương Đảng ndrel Nau ntrŭnh 57 bah Bộ Chính trị. N’gor Kon Tum đă Quốc hội ơm uănh, ntrŭnh nau mpeh ntrong kan, nau kơl an hun hao nkuăl Tây Nguyên tĭng nau ntrŭnh mrô 23 bah Bộ Chính trị mpeh nau rƀŏng hun hao văng sa, rêh jêng ndrel đăp mpăn neh dak, rnă njrăng nkuăl Tây Nguyên tât năm 2030, rƀŏng tât năm 2045; đă Thủ tướng Chính phủ, N’gâng kan ndâk nkra ơm kơl an, uănh ƀư nau ntrŭnh ntuh kơl nau kan trong hăn ngăch Quảng Ngãi-Kon Tum gay pơk trong ân 2 n’gor hun hao./.