Rnâng kan ntĭm leo trung ương mpeh nău kan njrăng, rdâng sa nkhiăn, sa ƀer nău kan mô ueh pah kan đah n’gor ủy Bà Rịa- Vũng Tàu.
Thứ sáu, 09:54, 27/10/2023
VOV Tây Nguyên/Nuĭh rblang: Thị Đoắt
VOV Tây Nguyên/Nuĭh rblang: Thị Đoắt
VOV4.M'nông - Nar naơ 26/10, Mpôl pah kan bâh rnâng kan ntĭm leo Trung ương mpeh njrăng, rdâng nău sa nkhiăn, sa ƀer yor wa Trần Cẩm Tú, Ủy viên Bộ chính trị, kruanh Ủy ban uănh năl Trung ương, groi kruanh rnâng kan ntĭm leo Trung ương mpeh njrăng, rdâng sa nkhiăn, sa ƀer, nău kan mô ueh leo hăn mpôl kan mbrô 3 lĕ geh rơh pah kan đah n’gor Ủy Bà Rịa-Vũng Tàu gay ma mbơh nău nchrăp pah kan ƀư ueh na nê̆ nău ntrŭnh, nău kơl an bâh Đảng mpeh njrăng, rdâng nău sa nkhiăn, sa ƀer ƀư tĭng pháp luật bâh ngih dak.
Ta ăp ntŭk kan geh uănh nđôi, mpôl kan lĕ geh đă ăp ntŭk kan, n’gâng kan mbơh rblang, ƀư kloh na nê̆ nău uănh năl, rnoh mbrô, pă nău mbơh, sƀ rhŏ, sƀ mbơh nău geh tât mpôl pah kan mĭn uănh, uănh năl gay ma ƀư kloh na nê̆ nău tât nkô̆ nău uănh nđôi.
Ntoh ngơi ta rơh pah kan, wa Trần Cẩm Tú, Ủy viên Bộ chính trị, kruanh Ủy ban uănh năl bâh trung ương, groi kruanh rnâng kan ntĭm leo Trung ương mpeh njrăng, rdâng sa nkhiăn, sa ƀer, mpŭng lir, nău kan mô ueh an gĭt, rnâng kan n’gor ủy Bà Rịa- Vũng Tàu lah ngoăy tâm 6 ntŭk kan Đảng geh rnâng kan leo kan trung ương nchih nău nchrăp gay ma uănh năl.
Viết bình luận