Ôi nđaơ, 27/10, N’gor đoàn Dak Lak ƀư rgŏ jă hăn ndrel đah kon hŏk, sinh viên rgum lăp lam ntŭr neh n’hanh rnê rhơn ăp nuĭh ntoh lư năm nti 2023-2024. Tâm năm nti 2023-2024, đoàn viên druh ndăm Dak Lak lĕ ƀư ntrong leo “Kon hŏk 3 uĕh”, “Kon hŏk 3 tiăr nti”, “Sinh viên 5 uĕh”.

Tă bah nĕ, lĕ geh hang rbăng kon hŏk , sinh viên tâm n’gor geh ăp ndơ nkhôm aơ, rgop ntrôl ăp nău ƀư, ntrong leo đoàn hội tâm ngih sam ƀŭt nar lơ n’gŭr răm, nta an ntŭk răm m’ak an kon hŏk, sinh viên tiăr nti, n’hao nău blău săk nơm. Ta nar ƀư, Mpôl rdâk ƀư lĕ rnê rhơn 108 nuĭh n’hanh rmôt geh ăp ndơ nkhôm gưl n’gor. Ƀư tâm nđŭr, tâm ngơi đah nău ngơi Anh n’hanh nta aơ kon hŏk, sinh viên gĭt tât ăp nău dơi nti nsơm, tâm ngơi dŏng nău ngơi dak bah dih.