Bol ma kơt nê̆, ta rơh hop uănh năl lôch jêh geh tĭng ƀư Trong nchrăp hun hao pâl nđaih, UBND n'gor Khánh Hòa uănh năl hôm e âk nău mô hŏ dơi tâm hun hao ndơ pâl nđaih, wăng sa măng, ntung trong ndrâm dak lêng n'hanh tach ndeh păr pâl nđaih. Bah meng nĕ, tâm pă rnoh năch dak bah dih mô hŏ âk, rgum tâm du đêt ntŭk tăch rgâl têh kơt Hàn Quốc, Trung Quốc, Nga. Rƀŏng tât geh n'hanh rlău nău ŭch wơt 20 rkeh tơ̆ năch tâm năm aơ, UBND n'gor Khánh Hòa đă uănh nđôi nău nchrăp ƀư, n'hao uĕh ntung trong ndrâm dak lêng, ndrâm ka; hun hao wăng sa măng, pâl nđaih nsum mpôl; mĭn uănh ăp ndơ mhe kơt pâl nđaih Halal, pâl nđaih tàu dak lêng n'hanh pơk hvi ăp ntŭk tăch năch dak bah dih.