Lah ntơm pơk rơh hop ndal tâl 9 (Quốc hội khóa 15) ôi 12/2, Kruanh Quốc hội Trần Thanh Mẫn an gĭt, Rơh hop dja geh nkô̆ dŭt khlay, ndăn ngăch mĭn uănh, n’glêh an âk nkô̆ nău jăch ndăn. Ăp nkô̆ nău mĭn uănh, n’glêh an ta rơh hop rhŏ dŏng an rơh dăp rgum, glêh tam nuĭh kan, tŏng đah nău ŭch  geh âk bah neh dak tâm rơh hun hao mhe. Aơ lah nkô̆ nău dơn geh âk nău tâm ban ŭch bah cán bộ, đảng viên n’hanh ƀon lan, lah nta trong mpeh pah kan dăp rgum, cán bộ ta Đại hội tâl 14 bah Đảng; sơch đại biểu Quốc hội khóa 16 n’hanh Hội đồng nhân dân ăp gưl năm kan 2026-2031. 

Bah meng nê, Quốc hội mĭn uănh, n’glêh an, ngăch droh rklaih jêr jŏt, kŏ kol mpeh trong đă tĭng, trong kơl, njêng đăt ndal gay ƀư lôch jêh ndơ dŏng, ntik n’hao tơm ndơ, nta soih ntŭk gay hun hao mhe, gay tĭng ƀư geh nău dơi ăp rnoh tât kan Đại hội tâl 13 bah Đảng hŏ n’gluh. Ta rơh hop dja, Quốc hội mĭn uănh, an dŏng 4 trong nchrăp luật: Luật Tổ chức Chính phủ (rgâl nkra); Luật Tổ chức chính quyền địa phương (rgâl nkra); Luật rgâl nkra, kơi ntop du đêt nkô̆ bah Luật Tổ chức Quốc hội; Luật N’gluh an dŏng siƀŭt quy phạm pháp luật (rgâl nkra). Rơh hop dja nchrăp pah kan tâm 6 nar n’gul, ntơm bah nar 12 tât 19/2/2025.