Ntoh ngơi ta rơh rƀŭn nchră, âk mpôl doanh nghiệp uănh rnê âk nău hun hao, ntŭk ntuh kơl n’hanh nău knơm bâh Việt Nam, nău knơm bâh ăp nuĭh ntuh kơl dak bah dih ta nău leo kan bâh chính phủ, Thủ tướng chính phủ, âk tập đoàn wăng sa dak bah dih uănh năl Việt Nam geh âk nău nkhêp an geh jêng ntŭk tơm khlăy tâm rnoh pă kơl an lam ntur neh, âk dak lam ntur neh uănh năl Việt Nam geh nău kan dŭt khlăy tâm nău ntrôol tăch rgâl lam ntur neh, âk nuĭh ntuh kơl dak bah dih ton pơk hvi ntuh kơl ta Việt Nam tâm let năp tay.

Thủ tướng Phạm Minh Chính ŭch n’hanh knơm an lah ăp doanh nghiệp, nuĭh ntuh kơl dak bah dih mbra geh tay nău rŏng, nău knơm, tâm kơl na nê̆, mbơh n’hao nău mĭn kan lĕ ton an geh ƀư săk rnglăy, hăn ndrel n’hanh hun hao nâp nâl, săk rnglăy ndrel đah Việt Nam- geh nău dơi bâh ăp ntŭk ntuh kơl lah nău dơi bâh Việt Nam.