Kêng măng 5/2, rơh rƀŭn tal bôk năp Rnâng kan rđau kan Đảng bộ Chính phủ, năm kan 2020-2025 geh ƀư, đah nau ƀư tơm bah Thủ tướng Chính phủ Phạm Minh Chính.

Tâm nar rƀŭn, ăp ntoh măt yor ty nchră Bôk nau rƀŭn, djăt nau mbơh nau ntrŭnh bah Bộ Chính trị mpeh nau ndâk Đảng bộ Chính phủ; Mbơh ăp nau ntrŭnh bah Rnâng kan Đảng uỷ Chính phủ mpeh nau ndơn ƀư ntŭk kan Đảng mpeh Đảng bộ Chính phủ; nau ndâk ăp ntŭk kan kơl mbơh nchră nau ma Đảng uỷ Chính phủ, nau rgum ƀư ntrong kan Đảng ndrel ăp gưl uỷ ăp Đảng bộ tâm Đảng bộ Chính phủ;

Ntrŭnh nau pă nau kan đah ăp Uỷ viên Rnâng kan, Uỷ viên Ban Thường vụ, Bí thư, Groi Bí thư Đảng uỷ Chính phủ năm kan 2020-2025 ndrel Bôk nau kan bah Rnâng kan, Ban Thường vụ Đảng uỷ Chính phủ năm 2025. Thủ tướng mbơh, rơh rƀŭn aơ mbơh nau tơm ân nau ƀư ndrel nau kan bah Đảng bộ Chính phủ tâm rnôk mhe, nau kan mhe, ƀư mhe, Đảng bộ Chính phủ mra nchrăp gay ƀư ân dơi ăp nkô̆ nau, nau kan nchrăp luh./.