Tĭng nău ŭch kan bâh Cục hàng không Việt Nam, rơh mpăr geh uănh năl, mbơh nău geh ƀư bâh lơ 23 tât lĕ 28/7 gay ma uănh năl tay lĕ rngôch nău ueh ndơ leo trong n’hanh nău mbơh ta tach ndeh păr n’hanh ŭnh đen mbơh trong mpăr mhe geh ƀư, nkra tay ueh. Lôch geh ƀư lôch nău kan ƀư mhe, tach ndeh păr đah dak bah dih Liên Khương lĕ tâm rgop đah ăp ntŭk tach ndeh păr rdâk njêng nău nchrăp kan ndâk nsơm trong  mpăr bâh lơ 19/8. Nchrăp, tach ndeh păr mbra sŏk dŏng bâh 36-40 rơh mpăr hăn n’hanh tât ăp nar, tâm rgop đah nkuăl ƀon têh Hồ Chí Minh, Hà Nội, Đà Nẵng, Vinh, Cần Thơ n’hanh Hải Phòng. trong mpăr đah dak bah dih bâh Đà Lạt- Kuala Lumpur (Malaysia) nchrăp geh nthoi tay đah rnoh âk lah 8 rơh mpăr tât n’hanh hăn ăp pơh. Êng tâm nar bôk năp ntơm tay,  tach ndeh păr đah dak bah dih Liên Khương nchrăp kơl an klâp ma 28 rơh mpăr tât n’hanh hăn.