Tahen Dak Lak: Ƀư tơm-tâm rnglăp-gĭt blau-rgâl mhe-hun hao
Thứ sáu, 09:28, 25/07/2025 VOV Tây Nguyên/Nuĭh rblang H'Thi VOV Tây Nguyên/Nuĭh rblang H'Thi
VOV.M'nông: N’gâng kan rđau tahen n’gor Dak Lak ƀư Đại hội Đảng bộ tal bôk năp, năm kan 2025-2030, đah nkô̆ nau ƀư “Ƀư tơm-tâm rnglăp-gĭt blau-rgâl mhe-hun hao”. Râng Đại hội geh 160 ntoh măt, 21 đồng chí geh gưl kan ba lơ săch Râng Rnâng kan rđau kan ndrel 7 đồng chí Rnâng kan thường vụ.

Năm kan rlau aơ, tâm rnôk nau tât bah lam ntur neh, nkuăl ndrel tâm dak lêng Biển Đông geh âk nau tât ngăch, jêr; srê Covid-19 tât, yơn cán bộ,  tahen tâm lam Đảng bộ N’gâng kan rđau tahen n’gor Dak Lak hôm mât nâp nau kan ngăn, ƀư ân tam ăp nau kan geh N’gâng kan neh dak, Quân khu 5 ndrel n’gor Dak Lak jao.

            Ngăn lah, tahen geh ndâk tĭng nuih n’hâm “gleh, kloh, dăng”; ăp gưl uỷ, ntŭk kan Đảng tâm lam Đảng bộ mro uănh khlay tâm nau ndâk rmôt kan dăng mpeh chính trị, nau mĭn, nau rđau kan, rđau đă ƀư âk nau tam tâm nau rgâl mhe, rgâl ntŭk ƀư kan biên chế kloh, nâp, dăng; n’hao nau dŏng khoa học công nghệ, ntrơn rgâl mrô.

            Tâm năm kan, Đảng bôk n’gâng kan rđau tahen n’gor Dak Lak năn ndâk, ntrơn leo, rnglăp ntŭk kan đảng tâm ban ma nau ƀư biên chế bah ntŭk kan, rmôt kan; ntrŭnh, rgâl, ntop tay ndrel ƀư rjăp nau ntrŭnh, nau kan, nau rƀŭn rgum đảng tâm ăp gưl. Ăp nau kan “Đảng bộ tâm dâng puăn nau ueh” “chi bộ puăn nau ueh, pe nau mô” geh ƀư săk tam.

            Râng đại hội, Đại tá Trần Minh Trọng-Groi Chính uỷ Quân khu V kơp dơn, rnê ăp nau tă ơm geh ma Đảng bộ N’gâng kan rđau tahen n’gor Dak Lak geh dơi tâm năm kan rlau aơ; kŏ kơt lah nau nchrăp ân Đại hội ndrel ƀư dơi 12 đại hội đảng bộk tâm năm kan 2025-2030 ndrel ndâk nau ntrŭnh Đại hội năm kan aơ. Gay ƀư ân tam nau ntrŭnh nchrăp luh, ngăn lah tâm rnôk rnglăp ma ăp ntŭk kan, rmôt kan hành chính, Groi Chính uỷ Quân khu V đă Đảng bộ N’gâng kan rđau tahen n’gor rgum tâm du đê̆ nau kan mhe, kơt ba kơi:

            ‘Rgum rđau, ntĭm nti gay n’hao nau dơi mra geh tâm lơh bah rmôt tahen tâm n’gor; mât rjăp nau mra tâm lơh, rŏng dơi nau đă tâm ăp nau tât. Tâm rgop rjăp đah rmôt tahen tâm n’gor tâm nau mât, nchroh, nchră tâm di nau kan ndrel năn tâm lơh ân tam đah ăp phung tih dôih, mât nâp đăp mpăn, rnă njrăng ƀon lan. Ƀư ntĭm nti njrăng rdâng tâm nkuăl geh nsum ma nau njrăng rdâng bah ăp gưl ân nâp; ƀư jêh nau nchrăp rgum hun hao văng sa, rêh jêng tâm rgop ma nau kan njrăng rdâng ndrel ƀư nâp neh dak lam ƀon lan”.

            Wa Nguyễn Đình Trung, Bí thư N’gor uỷ, Bí thư Đảng bộ Rnâng kan rđau kan tahen n’gor Dak Lak mbơh, nau ntrŭnh bah Đại hội geh năl ƀư đah nkô̆ nau “ƀon lan ƀư tơm-tâm rnglăp-gĭt blau-rgâl mhe-hun hao” ndrel nkô̆ “ƀư ueh nau vay ơm rmôt tahen n’gor Dak Lak janh dăng; rgum ndâk Đảng bộ kloh, nâp dăng; rmôt tahen n’gor mât nâp ăp ntil, ƀư kloh ang, ntoh lư; nsôih ƀư jêh ueh nau kan neh dak, mât nâp neh dak Việt Nam xã hội chủ nghĩa tâm rơh mhe. Wa Nguyễn Đình Trung đă dĭng lĕ Đảng bộ ntơm ƀư nau ntrŭnh Đại hội:

            ‘Rgum rđau, đă ndrel n’hâm tâm lơh, mât nâp nau rêh ueh, nâp; ƀư ueh nau ƀư tơm bah ƀon lan, tâm rnglăp, tâm ban; nsum n’hâm soan, nsôih ƀư ân dơi nau ntrŭnh Đại hội nchrăp luh. Rnâng kan rđau kan gưl kan mhe ơm ndâk, ƀư nau nchrăp ntĭm nti, luh nau ntrŭnh đại hội tât lam cán bộ, đảng viên, tahen tâm lam rmôt tahen n’gor; ndâk bôk nau kan n’hêl gay ăp nhoat ƀư ngăn. Ăp ntŭk kan nsôih bonh đă nŭih kan, đoàn viên luh n’hâm tâm rlong, nsôih ƀư jêh ueh nkô̆ nau, nau kan ma Nau ntrŭnh Đại hội hŏ nchrăp luh”./.

VOV Tây Nguyên/Nuĭh rblang H'Thi

Viết bình luận

TIN CÙNG CHUYÊN MỤC