Tâm rnôk hăn uănh năl na nê̆ ta nkual n’har bri ta ăp n’gor mpeh nkual pe njônh hun hao (CLV), ôi 18/10, mpôl pah kan bah Quốc hội dak Campuchia-Cộng hoà dân chủ nhân dân Lào-Cộng hoà Xã hội Chủ nghĩa Việt Nam hŏ ƀư tâm nchră ta Nkual ƀon têh Pleiku, n’gor Gia Lai. Lah ta rnôk tâm nchră, ntơh măt ăp n’gor Gia Lai, Kon Tum, Dak Nông, Dak Lak, Bình Phước hŏ geh ăp nău dăn đă dŭt ngăn ngăn, gay ntrŭt ntrôl tâm rsong tăch rgâl, rêh jêng kon nuĭh đah ăp n’gor n’har bri.

Mpeh bah n’gor Gia Lai, UBND n’gor dăn đă quốc hội 3 dak geh ăp trong kơl mha êng an  nkual pe njônh hun hao kơt trong kơl an ntuh kơl sŏk soăy đêt, trong rgum tơm prăk, n’hao dăng tâm boh an ƀư ăp trong nchrăp kan mpeh wăng sa đah 2 dak. Dŭt jêh rơh pah kan  wa  Vũ Hải Hà- Ủy viên Ban Chấp hành Trung ương Đảng, Chủ nhiệm Ủy ban Đối ngoại bah Quốc hội dak he an gĭt:  ăp nău rgop geh nkô̆ khlay gay quốc hội 3 dak ntop kơl chính phủ 3 dak hăn ndrel tay, ntrŭt ntrôl ăp trong kơl an nkual, mât nâp rnă njrăng, rdâk njêng trong n’har bri đăp mpăn, tâm rnglăp n’hanh hun hao, ndơ̆ tâm boh 3 dak, 3  quốc hội nar lơn ma  lăp  tâng jru./.