Ôi (25/2), ƀư Tâm nchră lam dak gŭ mĭn, kơt nti, đăm gĭt jru n’hanh an tĭng ƀư Nghị quyết mbrô 79 - NQ/TW mpeh hun hao wăng sa Ngih dak n’hanh Nghị quyết mbrô 80 - NQ/TW mpeh hun hao văn hóa Việt Nam bah Bộ Chính trị. Nghị quyết mbrô 79 - NQ/TW nar 06/01/2026 bah Bộ Chính trị ntơm rgâl bôk năp tâm nău mĭn hun hao wăng sa ngih dak: Ntơm bah nău khlay "Mât dŏng, nkrum lam” jêng nău kan nta trong, têk ndrêng n’hanh pơk trong an hun hao săk geh âk, tâm boh tâm ntop kơl nsum n’hanh tâm ntop ntrôl nsum đah nkual wăng sa êng bah dih ngih dak. Tâm rnôk nê, Nghị quyết mbrô 80 - NQ/TW, nar 07/01/2026 bah Bộ Chính trị mpeh hun hao văn hoá lah du nău n’glêh an geh nkô̆ khlay mha êng tâm rnôk nô nău aƀaơ; ndơ̆ hun hao văn hóa tâm rnôk lăp rgum dak bah dih, nê lah nău lor nchrăp lăp rgum. Ntŭk mhe ta Nghị quyết 80 lah trong tât lam lĕ rngôch n’hanh uĕh blău mhe đah hun hao văn hóa.

Lor bôk năp văn hóa dơi n’glăp tâm trong tâm boh lhăt đah wăng sa, ntŭk tăch rgâl n’hanh ăp n’gâng kan công nghiệp văn hoá, uănh ndơ geh ƀư văn hoá lah tơm suan ntrôl hun hao n’hanh lah ndơ jêng khlay bah "suan dăng ntô blăy” neh dak. Lah ta rnôk rđău đă tâm nchră, Tổng Bí thư Tô Lâm an gĭt, bar Nghị quyết mhe dơi njêng nsing ta nău n’glôch jêh jru hvi ngăn ngăn n’hanh hun hao nău mĭn lý luận tâm rnôk neh dak lăp tâm rơh hun hao mhe, nkre nkra bar nkô̆ nău ŭch geh lah n’hao dăng jâng nsing “drăp ndơ êng neh dak nơm” n’hanh rdâk nâp “suan dăng nuih n’hâm êng neh dak nơm”. Lah rjăp nău nsrôih rdâk njêng jâng nsing wăng sa ƀư njêng êng, ƀư tơm êng, ngăch ngăr, nsĭt geh nău dơi nkre đah lăp rgum dak bah dih jru hvi n’hanh rdâk njêng jâng nsing văn hóa Việt Nam têh mhe, săk tơm rnoi nuĭh.