Nar 27/10, ta n’gor Quảng Trị, Bộ Quốc phòng ƀư Tâm nchră khoa học đah nkô̆: “Đại tướng Đoàn Khuê - Nuĭh cộng sản du nuih n’hâm rôih tĭng, kruanh rđău kan, nuĭh mât bôk kan ngăch prăl tahen ƀon lan Việt Nam, nuĭh kon ntoh lư bah ƀon tơm Quảng Trị”.

 Ta tâm nchră, ăp nuĭh rnâng kan, nuĭh gŭ mĭn rgum ƀư kloh n’hanh lah rjăp tay n’hâm suan bah Đại tướng Đoàn Khuê – Nuĭh cộng sản du nuih n’hâm rôih tĭng, nuĭh leo lor trong kloh ang mpeh nuih n’hâm cách mạng, du bông nău rêh n’groh an nău gĭt blău, săk nơm an n’gâng kan cách mạng bah Đảng, Rnoi nuĭh n’hanh tahen. Thượng tướng Lê Huy Vịnh, Thứ trưởng Bộ Quốc phòng njrăng đă: Du bông 60 năm kan cách mạng, Đại tướng Đoàn Khuê hŏ rlău âk ntŭk gŭ kan, ta âk trong kan êng ƀa ƀă. Bol ta ah ntŭk gŭ kan, dah nău jêr jŏt, wa Đoàn Khuê way mât nâp nuih n’hâm uĕh lŏng bah nuĭh tahen cách mạng, lĕ nuih n’hâm rhŏ dŏng an neh dak, rhŏ dŏng an nuĭh ƀon lan; blău rlăch rlăm, n’glêh an trong kloh ang, blău ƀư mhe tâm rđău kan, mât bôk kan, lôch jêh uĕh ăp nău dơn kan ma Đảng, Ngih dak n’hanh ƀon lan jao an./.