Ta rơh tâm nchră, bar ding lĕ rnê âk nău kan bâh ta nkual n’hanh ăp nău kan yor ASEAN leo kan. Thượng tướng Hoàng Xuân Chiến lah na nê̆, Việt Nam dơn ngoăy trong kan nchră nău đah dak bah dih pah kan êng, đăp mpăn, tâm rnglăp, ƀư âk ding, âk nău kan n’hanh nău kơl mât rnă njrăng ngih dak “Poăn nău mô”, mô tât râng rmôt kan tahen, mô tâm rgop kan đah dak aơ gay ma rdâng dak êng, mô an dak bah dih an ntŭk kan tahen mô lah dŏng nkual neh Việt Nam gay ma rdâng tay đah dak êng, mô geh dŏng phao blêu mô lah dŏng nău tâm lơh ta nău tâm boh kan lam ntur neh.

Tâm let năp tay 2 ding  nsrôih ntrôl nău tâm kơl, nău kan tơm ta ăp trong kan, ƀư tay lôch ăp nău kan tâm nău, trong kan tâm kơl, ntrôl tâm kơl ntĭm  nti rnoh kan, tâm kơl đah ăp mpôl kan tahen dak lêng, tahen ka lơ trôk đah bar dak. Ntrôl tâm kơl ta ăp trong kan geh nău dơi kơt rnă njrăng mạng, rgâl mhe rnoh mbrô, nai dak si bâh tahen, công nghiệp mât rnă njrăng ngih dak, pháp chế. Thượng tướng Hoàng Xuân Chiến jă nuĭh leo kan n’gâng kan mât rnă njrăng ngih dak Singapore ndrel đah ăp doanh nghiệp Singapore tât ta Việt Nam tât râng pla n’hơ mât rnă njrăng ngih dak lam ntur neh Việt Nam 2024.