Nkah ndray Nar doanh nhân Việt Nam 13/10, ôi 11/10 Liên đoàn Thương mại n’hanh Công nghiệp Việt Nam (VCCI) ƀư tơm ƀư “Tâm nchră tâm mâp lam dak ăp hiệp hội doanh nghiệp n’hanh nuĭh doanh nhân Việt Nam”.

Lah ta rnôk tâm nchră, wa Phạm Tấn Công, Kruanh Liên đoàn Thương mại n’hanh Công nghiệp Việt Nam (VCCI) lah rjăp: Đah nău uănh doanh nghiệp lah mpôl  kan  tơm tâm rdâk njêng wăng sa, ri doanh nhân lah mpôl n’gâng tơm mât bôk kan, ƀĭt juet rmôt kan doanh nghiệp bah neh dak. Nkhêp geh nar doanh nhân Việt Nam (13/10), năm aơ mpôl doanh nghiệp wơt dơn Nghị quyết 41 bah Bộ Chính trị mpeh rdâk njêng n’hanh ntik n’hao nău khlay kan bah rmôt doanh nhân Việt Nam tâm rơh mhe, geh âk nkô̆ mhe mpeh nău mĭn, trong rƀŏng n’hanh trong nkra hun hao rmôt doanh nhân Việt Nam tâm let năp tay, rƀŏng tât tĭng ƀư nđơr n’hao tât neh dak he jêng dak hun hao tâm năm 2045.