Kêng măng 11/2, Thủ tướng Chính phủ Phạm Minh Chính ƀĭt joet Rƀŭn nchră hun hao khoa học, công nghệ, rgâl mhe mĭn njêng n’hanh nuĭh kan uĕh blău âk ntrôl hao jêng wăng sa. Ntoh ngơi ta rơh rƀŭn, Thủ tướng Phạm Minh Chính lah rjăp, ŭch hao jêng ri an n’hao săk geh pah kan, tĭng nkô̆ nău hun hao khao học công nghệ, rgâl mhe mĭn njêng, rgâl mrô, nuĭh kan uĕh blău âk; ntĭm nti, khoa học công nghệ lah trong ƀư bôk năp; ntuh kơl khoa học công nghệ, ntĭm nti lah ntuh kơl an hun hao.

Jêh rnôk djăt ăp nău rgop ntoh ngơi, n’glôn jêh rƀŭn nchră, Thủ tướng Phạm Minh Chính lah rjăp: He rgâl nău rƀŏng hao jêng hao 8% mbra rgum an hun hao khoa học, công nghệ, rgâl mrô, rgâl mhe mĭn njêng n’hanh ntĭm nti nuĭh kan uĕh blău âk gay ntrôl hao jêng wăng sa. Thủ tướng mĭn lah, hun hao khoa học, công nghệ, rgâl mrô, rgâl mĭn njêng n’hanh nuĭh kan uĕh blău âk gay ntrôl hao jêng wăng sa, lah nău đă di, săch trong têh, kơl lor bôk năp n’hanh sŏk nuĭh ƀon lan ƀư nklang, ƀư tơm. Hun hao khoa học, công nghệ, rgâl mhe mĭn njêng rgâl mrô n’hanh nuĭh kan uĕh blău âk rgop tay jâng wăng sa, hun hao ngăch n’hanh nâp nâl.