Kêng măng 28/2, ta Ngih Chính phủ, Thủ tướng Chính phủ Phạm Minh Chính ƀư tơm rơh rƀŭn đah ăp doanh nghiệp Trung Quốc. Ntoh ngơi ta rgum nchră, Thủ tướng Phạm Minh Chính lah uĕh nău tâm pă sŏng ngăn bah ăp doanh nghiệp Trung Quốc, mpơl nău rŏng, lĕ đah nău kan, nău ngăn ngên đah nău ƀư doanh nghiệp ƀư sa di, ntoh lư.

Thủ tướng mpŏng ăp doanh nghiệp Trung Quốc hun hao Việt Nam jêng ntŭk nkra njêng ngăch n’hanh nâp nâl; tăch rgâl uĕh, di pháp luật, nuih n’hâm lah djăt nău rgop ndrel, tâm pă trong uănh, tâm pă nău ƀư, nsrôih rgâl jao công nghệ an Việt Nam, ntop kơl Việt Nam bah doanh nghiệp jêt hun hao jêng doanh nghiệp têh, geh gĭt blău công nghệ hun hao, râng ăp trong khlay lam ntŭr neh. Thủ tướng mpŏng ăp doanh nghiệp Trung Quốc ntop kơl Việt Nam tĭng nuih n’hâm tâm di, nău mâp tâm pă, di nău tâm boh 2 dak.