Ôi 4/3, ta Nhih pah kan Chính phủ, Thủ tướng Phạm Minh Chính ƀư tơm rơh tâm nchră đah ăp doanh nghiệp Hàn Quốc. Lah ta rnôk tâm nchră, Thủ tướng Pham Minh Chính rnê âk nău tâm nkoch gĭt sŏng dăng, ăp nău ŭch rŏng mpŏng geh, nău năl bah ăp doanh nghiệp Hàn Quốc, mpơl nău gĭt wât nsum, nsing nơm nsum.

Thủ tướng ŭch rŏng  doanh nghiệp Hàn Quốc hŏ ƀư uĕh hôm yơn lơn ma ƀư uĕh tay đŏng, mbơh nti an Việt Nam hun hao ngăch ma nâp dăng kơt ăp băl hŏ tă ƀư ta neh dak ăp băl đŏng, rdâk njêng, rgop mpeh trong đă tĭng ƀư gay đăp mpăn soih aih. Nkre pơk hvi ntuh kơl tăch rgâl ta Việt Nam n’hanh uănh Việt Nam lah ntŭk gŭ rgum ƀư njêng, ntuh kơl, kơl Việt Nam râng jru lơn tâm rêng pă tơm ndơ tăch lam ntŭr neh, âk ntil ntŭk tăch rgâl, âk ntil ndơ tăch; rgop ndơ̆ rgâl công nghệ an Việt Nam; rgop ntĭm  nti tơm nuĭh kan săk blău âk, nkre ntĭm nti, tiăr nti, nkre n’hao hăr blău ti kan, rgop mât bôk kan hăr blău, rgâl nuĭh kan mhâm ƀư an tâm di đah trong rƀŏng lam ntŭr neh bah Việt Nam. Lơn  lah ntuh kơl tâm công nghiệp văn hóa, công nghiệp pâl nđaih, rgâl blău njêng mhe, công nghệ sinh học, công nghệ nđĭr uĕh, công nghệ mbrô, trí tuệ nhân tạo, bán dẫn.