Nthoi tay ăp nău kan tâm trong hăn pah kan râng tâm nchră gưl têh ASEAN - Hội đồng Tâm boh nkual kuel dak lêng (GCC) n’hanh khâl dak Ả-rập Xê-út, Thủ tướng Chính phủ Phạm Minh Chính hŏ tât khâl Nhih pah kan GCC, mâp Tổng Thư ký GCC n’hanh uănh saơ lễ ký ton siƀŭt nchih nkah mpeh tâm boh đah Bộ Ngoại giao Việt Nam n’hanh Ban Thư ký GCC. 

Thủ tướng Chính phủ Phạm Minh Chính rnê âk nău khlay kan bah GCC n’hanh lah rjăp Việt Nam uănh khlay lơn nău ntrŭt ntrôl tâm boh ndrel nsĭt geh đah GCC n’hanh ăp dak lăp kan nsum. Thủ tướng lah rjăp Việt Nam mbra ƀư ntung njŏ, ntrŭt ntrôl tâm boh ASEAN-GCC, dăn đă Bộ Ngoại giao Việt Nam n’hanh Ban Thư ký GCC ơm dơn ngoăy bôk nău kan tâm boh na nê̆ n’hanh an ƀư geh nău tam siƀŭt nchih nkah mhe dơi ký ton. Mpeh bah nơm, rnê âk nău khlay kan bah Việt Nam tâm ban kơt ăp nău dơi ma Việt Nam dơi geh, Tổng Thư ký lah rjăp, Ban Thư ký GCC mbra nsrôih ntop kơl Việt Nam ntrŭt ntrôl tâm boh đah ăp dak lăp kan nsum tâm ăp trong kan bar ding săk geh./.