Măng (23/10, tĭng mông ta ntŭk), tâm rnôk ăp nău kan râng Tâm nchră gưl têh ăp Kruanh rđău kan BRICS pơk hvi ta Kazan, Liên bang Nga, Thủ tướng Chính phủ Phạm Minh Chính hŏ mâp Tổng thống Thổ Nhĩ Kỳ Recep Tayyip Erdogan.

Thủ tướng Chính phủ lah rjăp uănh khlay tâm  boh tâm rnglăp n’hanh tâm boh uĕh lăng Việt Nam - Thổ Nhĩ Kỳ; ŭch rŏng ăp doanh nghiệp Thổ Nhĩ Kỳ uănh khlay ntuh kơl âk lơn  tâm Việt Nam. Bar kruanh tâm ban ŭch n’hao âk rơh tâm mâp đah kruanh gưl têh bar dak, ơm n’hao prêh n’hanh ƀư jru hvi lơn đŏng tâm boh bar dak; ntrôl dăng tâm boh wăng sa, tăch rgâl tâm di đah săk geh, nsrôih ơm tât nsĭt geh tăch rgâl bar ding 4 rmen USD, nkre gŭ mĭn jêng ăp nduar n’glăp mhe gay nta trong dơh lơn đŏng an tăch rgâl n’hanh ntuh kơl.

Bah năp nê, ta nkual ƀon têh Kazan, Liên bang Nga, Thủ tướng Phạm Minh Chính mâp mpôl nuĭh Việt Nam ta Nga.