Kêng măng 25/2, Thủ tướng Chính phủ Phạm Minh Chính râng ndrel ntoh nau ngơi tâm rơh rƀŭn tâm nchră nau geh ASEAN năm 2025. Ndrel râng, geh Tổng thống dak Cộng hoà Dân chủ Đông Timor Hô-sê Ma-nuel Ra-mốt Hô-ta, rđau kan ăp dak ASEA, ăp ntŭk kan lam ntur neh. Nau tâm nchră nau geh ASEAN năm 2025 đah nkô̆ “Ndâk ASEAN tâm rnglăp, ăp ntil, ndrel nsôih tâm du ntur neh geh âk nau rgâl” gay nkoch nau mĭn ndrel nau ŭch du nsum mpôl ASEAN.

Ntoh nau tâm rnôk tâm nchră Thủ tướng Phạm Minh Chính lah rjăp, lam ntur neh ndrel nkuăl Châu Á-Thái Bình Dương dôl râng ăp nau rgâl jru đah âk nau ntul rlong ndrel nau geh nsum ma nê. Ăp nau kan gay leo nau lam ntur neh, lam ƀon lan, ăp ntil geh ngăch lơn, jêr lơn rdâng lơn. Thủ tướng Phạm Minh Chính nchŏng kloh, tât tâm rnôk hun hao mhe, ASEAN nchrăp mbơh mra jêng jâng văng sa rêh tal pe lam ntur neh, đah GDP rlet rlau 10 rbăn rmen đôla, geh ntŭk rvăt dŏng ân rlau 800 rkeh nŭih, nkre lah n’gâng tơm nau kan, văng sa mrô ndrel ntrơn rgâl mhe, đah nau kan văng sa nchrăp geh 1000 rmen đôla tâm năm 2030./.