Kêng măng 19/9, tĭng mông ta ntŭk, ta Viện Hòa bình Hoa Kỳ, Thủ tướng Chính phủ Phạm Minh Chính n’hanh mpôl  ntơh măt gưl têh Việt Nam hŏ râng Lễ nkah ndray 78 năm Quốc khánh dak Cộng hòa Xã hội chủ nghĩa Việt Nam n’hanh mbah rhơn tâm boh têh jong lam lĕ rngôch Việt Nam - Hoa Kỳ tă bah Đại sứ quán Việt Nam ta  Washington DC ƀư. lah ta rơh lê, ăp đại biểu Hoa Kỳ mbah rhơn Thủ tướng Phạm Minh Chính n’hanh mpôl ntơh măt gưl têh Việt Nam tât Hoa Kỳ n’hanh geh ăp nău kan bar ding, geh nău  dơi, ngăn ngăn.

Mpeh Hoa Kỳ lah rjăp geh nău tâm ban ŭch bah lĕ bar chính đảng Dân chủ n’hanh Cộng hòa ta lĕ rngôch trong kan tâm boh n’gâng kan n’hanh Quốc hội uănh khlay tâm boh đah Việt Nam, ŭch kơl Việt Nam “dăng, đăp mpăn êng, têh ndrŏng n’hanh nsrôih ndôr êng”. Thủ tướng Phạm Minh Chính hŏ nkoch tâm rơh hăn khâl hŏ geh âk rơh pah kan, tâm ôp đah ăp ntŭk n’hanh doanh nghiệp Hoa Kỳ, lơn lah geh tât trong kan công nghệ mhe, bán dẫn. Thủ tướng mpơl di nuih n’hâm bah năp nău nsrôih bah ăp doanh nghiệp têh bah Hoa Kỳ pơk hvi tay ntuh kơl, tâm boh đah Việt Nam n’hanh tâm ban ŭch an lah bar ding ân ntrôl dăng an ƀư ngăn ngăn gay ơm ƀư ăp rnôk dơh soih jêng geh ngăn ngăn./.