Kêng măng ntri (26/3), ta Nhih nti Đại học Bách khoa Hà Nội, Thủ tướng Chính phủ Phạm Minh Chính râng Nar rgŏ jă trong leo ƀư n’hanh Ntoh măt ndơ pơk dŏng "Nuĭh gĭt âk nti nuĭh mô gĭt keh mbrô".

Lah ta nar rgŏ jă, Thủ tướng Phạm Minh Chính lah rjăp: Trong leo ƀư "Nuĭh gĭt âk nti nuĭh mô gĭt keh mbrô" geh nkô̆ dŭt têh khlay n’hanh tâm rŏng kon nuĭh jru hvi đah nău hun hao bah neh dak, mpơl nău nsrôih bah Đảng, Ngih dak tâm rơh hun hao Chính phủ mbrô, wăng sa mbrô, nău rêh mbrô nuĭh ƀon lan mbrô ăp tŏng nău lư, srăch uĕh n’hanh kơl nuĭh; ntik n’hao nău way ơm jăp gơih nti, hưp nti, nuih  n’hâm kơt nti tât dŭt nău rêh bah rnoi nuĭh Việt Nam. Nkah tay 80 năm bah năp nơh, rnôk neh dak mhe nsĭt đăp mpăn rlău 95% rnoh nuĭh mô hŏ gĭt nchih, gĭt rŏ….trong leo ƀư "Nuĭh gĭt âk nti nuĭh mô gĭt" njêng luh đah nău ŭch jăch ndăn lah ntlơi jăng bah nău mô gĭt rplay siƀŭt, n’hao nău gĭt blău văn hóa an ƀon lan n’hanh rđău đă ngăch, hang rkeh nuĭh ƀon lan Việt Nam hŏ gĭt rŏ, gĭt nchih, rgop khlay tâm n’gâng kan rdâk njêng n’hanh mât njrăng neh dak, Thủ tướng nkoch kloh, neh dak dôl dâk bah năp trong dơh uĕh lịch sử gay lăp tâm rơh hun hao mhe, hun hao ndrŏng dăng đah suan ntrôl tơm tât bah khoa học, công nghệ, rgâl blău njêng mhe n’hanh rgâl mbrô.