Tâm rnôk hăn râng Tâm nchră gưl têh BRICS,Thủ tướng Phạm Minh Chính hŏ geh rơh tâm nchră đah Tổng thống Liên bang Nga Vla-đi-mia Pu-tin. Lah ta rơh tâm nchră, Tổng thống Vla-đi-mia Pu-tin mbah rhơn n’hanh lah uĕh Thủ tướng Chính phủ Phạm Minh Chính ndrel Mpôl ntơh măt gưl têh Việt Nam hŏ tât râng tâm nchră.

Bar ding di nuih n’hâm saơ tâm boh têh jong lam lĕ rngôch tâm bah ri  aơ mô rlu dơi sơn nâp dăng n’hanh hun hao lĕ mpeh tâng jru n’hanh hvi; ăp rơh hăn khâl, ăp rơh tâm mâp ăp gưl, lơn lah gưl têh ƀư dŭt n’hâm khuh n’gôr; nsĭt geh tăch rgâl bar ding hun hao dăng. Bar kruanh rđău kan an lah nău dơi dja mô hŏ di đah rnoh ŭch tât geh ndơ̆ luh, ân kan nsum lhăt tay lơn đŏng gay an ƀư geh nău tam tâm boh, lơn lah tâm trong wăng sa, tăch rgâl, ntuh kơl, pâl nđaih. Thủ tướng Phạm Minh Chính n’hanh Tổng thống Vla-đi-mia Pu-tin tâm nchră ăp trong rƀŏng n’hanh trong nkra na nê̆ gay n’hao nău dơi tam tâm boh tâm ăp trong kan kơt khoa học – công nghệ, ntĭm- nti, ntung trong nchuăn rdeng.